Եթե դրսում ցուրտ է և տանից դուրս գալու կամ խանութ գնալու ցանկությունը բացակայում է, բայց սառնարանում ունեք 1 հավկիթ, 1 խնձոր, ապա հրաշալի խմորեղեն կարելի է պատրաստել, որը կհիացնի ընտանիքի բոլոր անդամներին և ինչու ոչ՝ հյուրերին։
Անհրաժեշտ կլինի՝
1 հավկիթ
1 խնձոր
2 ճաշի գդալ շաքարավազ
125 գ մածուն կամ թթվասեր (4 ճաշի գդալ)
3 ճ․ գ․ բուսական յուղ
250 գ ալյուր
2 թ․գ․ փխրեցուցիչ կամ 1թ․գ․ սոդա
Բուսական յուղ տապակելու համար
Հավկիթը և շաքարավազը միախառնել, ավելացնել բուսական յուղը, ապա լցնել մածունը և կրկին խառնել։ Այս զանգվածը թողնել և առանձին տարայում մաքրել խնձորի կեղևը և մանր քառակուսիներով կտրատել և միացնել զանգվածին, լավ խառնել, ապա հավելել ալյուրը և փխրեցուցիչը, ստանալ համասեռ զանգված։
Խմորից առանձնացնել մանր կտորներ և բուսայուղում թաթախված ձեռքերով ստանալ գլանակներ, որոնք անհրաժեշտ է տապակել բուսայուղում երկու կողմից։
Վրան կարելի է շաղ տալ շաքարի փոշի։ Այստեղ խնձորն ապահովում է խմորի փափկությունն ու յուրահատուկ համը։ Անուշ լինի։
