Հայկական ընթրիքի, ճաշի սեղանին պարտադիր է ճաշը՝ ապուրը։ Այլ երկրների խոհանոցներում հիմնականում կարելի է հանդիպել աղցանների, պաստաների, սակայն մենք՝ հայերս, պարտադիր պետք է համտեսենք «ջրիկ ճաշ»-ը։
Այսօր ցանկանում ենք ներկայացնել օգտակար և անչափ համեղ ապուրի բաղադրատոմս՝ տավարի մսով, սիսեռով ապուր: Այս ապուրը չշփոթել «Փիթի»-ի հետ, քանի որ վերջինս պատրաստում են պարտադիր ոչխարի յուղոտ մսից և կարտոֆիլով: Սա պարզապես սիսեռով համեղ ապուր է:
Անհարժեշտ է՝
Սիսեռ — 200 գ
Տավարի միս — 500 գ
Սոխ — 1 հ․
Տոմատի մածուկ — 1 ճ․գ․
Լոլիկ — 1 հ․
Աղ, պղպեղ, չորացրած ռեհան
Համեմ — մի քանի ճյուղ⠀
Սիսեռը գիշերը թրջել, առավոտյան ջուրը թափել, մաքուր սառը ջրով դնել եփելու: Նախապես անհրաժեշտ է խաշել նաև միսը և արգանակն անցկացնել մաղով։ Կարագով կամ բուսայուղով տապակել սոխը մինչ կոսկեգունի։ Ավելացնել տոմատը և կեղևազրկած մանրացրած լոլիկը: Համեմել աղով, սև և կարմիր պղպեղով, չոր ռեհանով:
Ավելացնել միսը և խաշած սիսեռը: Լցնել մսի արգանակն այնքան, որ թեթև ծածկվի և ցածր կրակով եփել կես ժամ: Վերջում ավելացնել համեմ:
