Բրնձով փլավ «Տոնական»։ Բրինձն այս տարբերակով առաջարկում ենք մատուցել ինչպես առանձին ուտեստ, այնպես էլ խավարտ, որը կարելի է պատրաստել ջեռոցում թռչնամսի հետ:
Անհրաժեշտ է ՝
0,5 սոխ
0,5 գազար
150 գ շամպինիոն
300 գ բրինձ
1թ/գ աղ
1/4 թ/գ սև պղպեղ
1/4 թ/գ դարչինի փոշի
1 կտոր շաքար (պարտադիր)
1ճ/գ սոճընկույզ
2ճ/գ չորացրած սև հաղարջ, սև չամիչ(ինչպես կնախընտրեք ինքներդ)
Բուսայուղ
Եռման ջուր
Բրինձը լավ լվանալուց հետո, մինչ ջուրն արդեն պարզ կլինի, միացնել սոխը, գազարը՝ մանր կտրատած, տապակել բուսայուղում:
Ավելացնել սունկը, և մի քանի րոպե տապակել, ապա միացնել բրինձը: Ամբողջը միասին տապակել 5 ր, համեմել(սոճընկույզ, աղ, շաքար, սև պղպեղ, դարչին)։ Հավելել չիրը, եռման ջուրը և փակ կափարիչով եփել մինչ պատրաստի լինելը: 1 բաժակ բասմատի բրնձին ավելացնել 1.5 բաժակ եռման ջուր։
Ցանկացած տեսակի բրնձով փլավ եփելիս՝ կրակն անջատած ժամանակ կափարիչի տակ փռել խոհանոցային բարակ սրբիչ և թողնել փլավը 10 ր հանգստանա։ Բաղադրատոմսը պատկանում է Տաթևիկ Թորոսյանին։
