Քաղցր, փափուկ, նուրբ և համեղ կեքսը լավագույն տարբերակն է արագ և հեշտորեն թեյի գեղեցիկ սեղան ստանալու համար և օրը կամ երեկոն հաճելի անցկացնել ընկերների, ընտանիքի հետ։ Այս բաղադրատոմսը, որը ցանկանում ենք ներկայացնել, դասկան կեքսի նույն բաղադրատոմսն է, սակայն շատ փոքրիկ քայլով այն ամբողջովին այլ երանգ կարող է ստանալ և հիացնել ձեզ իր համով։
Եվ այսպես, անհրաժեշտ է՝
Նարինջ — 1 հ․
Կարագ — 100 գ
Հավկիթ — 3 հ․
Կաթ — 200 մլ
Շաքարավազ — 150 գ
Ալյուր — 350 գ
Փխրեցուցիչ — 10 գ
Այս կեքսն անչափ դյուրին է պատրաստելը։ Փորձեք և կհամոզվեք։ Ընդամենն անհրաժեշտ է կտրատած նարինջը, կարագը, հավկիթը, կաթը և շաքարավազը անցկացնել բլենդերով, այնուհետև հավելել ալյուրը փխրեցուցիչի հետ միասին։
Ստանալ թթվասերի խտության նման խմոր և տեղափոխել յուղաթղթով նախապատրաստած ձևամանի մեջ։
Ապա թխել 180 աստիճան միացված ջեռոցում՝ 45 ր։ Բույրն ու փափկությունը խենթացնող է։ Անուշ լինի։
