Փքաբլիթների սիրահար են գրեթե բոլորը։ Այս քաղցրեղենը, որը նաև կշտացնող է, ասես, հիշեցնում է մանկության համը։ Տարիներ ի վեր այս համեղագույն ուտեստը համարվել է իդեալական նախաճաշ։ Բերել ենք փքաբլիթների բաղադրատոմս, որի պատրաստմանը հետևելով՝ կստանաք հրաշալի փքաբլիթներ, որոնք կվայելեն ձեր ընտանիքի բոլոր անդամներրը, հատկապես՝ փոքրիկները։
Անհրաժեշտ է՝
Կաթ — 0,5 լ
Հավկիթ — 3 հ․
Խմորիչ — 11 գ
Շաքարավազ — 2 ճ․գ․
Ալյուր — 1 կգ
Աղ — 1 թ․գ․
Կարագ — 200 գ
Բուսայուղ
Եվ այսպես՝ նախատեսված բոլոր բաղադրիչները միախառնել, վերջում վրան մաղել ալյուրը, հունցել և ստանալ ձեռքերին չկպչող խմոր․ պարբերաբար կարելի է ձեռքերին բուսայուղ քսել։
Խմորը ծածկել սրբիչով և մեկ ժամով դնել մի կողմ, որից հետո, երբ բավականաչափ հասունացած կլինի խմորը, բաժանել փոքր գնդիկների, ապա մատների օգնությամբ գնդիկի մեջտեղում անցք բացել և պատրաստել առատ բուսայուղով տաք թավայում։ Կցված լուսակարները կարող են օգտակար լինել։
Վայելեք այն թեյով կամ սուրճով։ Կարելի նաև զարդարել շոկոլադով և գունավոր մանր կոնֆետներով, ինչպես նաև շաղ տալ շաքարի փոշի։
