Սննդընդունումը ոչ միայն պետք է լինի հաճելի, այլ նաև օգտակար։ Ժամանակակից խոհանոցը յուրաքանչյուրին տալիս է այդ հնարավորությունը։
Այսօր խոհանոցում կարելի է ստեղծագործել, համադրել և երևակայել, անսահման երևակայել։ Այս անգամ ներկայացնելու ենք աղցան, որի հիմնական բաղադրամասը սպիտակ լոբին է։ Այս հատիկավորը հայտնի է իր չափազանց օգտակար հատկություններով։
Անհրաժեշտ է՝
Սպիտակ լոբի
Լոլիկ
Սոխ
Կիտրոնի հյութ
Մաղադանոս
Բուսայուղ
Աղ
Բաղադրամասերի քանակը դուք ինքներդ որոշեք, հստակ չափաբաժիններ չկան։ Եվ այսպես՝ որպեսզի աղցանը արագ ստացվի, կարելի է վերցնել պահածոյացված սպիտակ լոբի, որի վրա հավելեք կտրատած լոլիկը, սոխ՝ կտրատած կիսալուսնաձև, մանրացված մաղադանոս և այս ամենի վրա քամեք թարմ կիտրոնի հյութ, այնուհետև լցրեք բուսայուղը, աղ արեք, լավ խառնեք և վերջ։
Ահա և աղցանը, որն այնքան օգտակար ու համեղ է։ Այն ինչպես նկատեցիք պատրաստվում է վայրկյանների ընթացքում։ Բարի ախորժակ։
