Սուրբ Ծնունդն այն տոներից է, երբ ուտեստը նշանակություն ունի և այս տոնի գլխավոր ուտեստը բրնձով, չամչով փլավն է։ Ցանկացած տան տիկին սեփական բաղադրատոմսն ունի այն պատրաստելու։ Առաջարկում ենք բաղադրատոմս, որը հավատացեք՝ շատ կհավանեք։
Անհրաժեշտ է՝
Բրինձ — 300 գ
ջուր — 300 մլ
Կարագ — 4-5 ճ․գ․
Աղ — 1 թ․գ․
Չրեղեն — 1 մեծ բուռ
Բրինձը լվանալուց հետո կարագով լի թավայում մի քանի վայրկյան բովել։ Ապա հավելել եռացող ջուրը, խառնել, ծածկել թավան յուղաթղթով։
Դա անհրաժեշտ է, որպեսզի բրինձը լավ շոգեխաշվի։ Անհրաժեշտ է եփել տասնհինգ րոպե և գազօջախի ամենացածր կրակի վրա։ Իսկ երբ կանցնի տասնհինգ րոպեն և կանջատեք կրակը, ևս տասնհինգ րոպե փակ կափարիչով սպասեք։
Այդ ընթացքում մեկ այլ կարագով թավայի մեջ կարմրացրեք չրեղենը, այնուհետև խաշած բրինձը և չրեղենը միացնել իրար և համտեսել։Կարող եք մատուցել բուսայուղում տապակած լավաշի կտորներով։ Բարի ախորժակ։
