Իտալական խոհանոցից հայտնի դարձած պիցցան սիրում են գրեթե բոլորը, հատկապես՝ երեխաները։ Գոյություն ունեն պիցցայի պատրաստման հազարավոր բաղադրատոմսեր։
Այս ուտեստը պատրաստելու համար նույնիսկ կարող եք տուրք տալ երևակայությանը և ստեղծել ձեր իսկ քիմքին հարիր պիցցան։
Սակայն այսօր առաջարկում ենք պիցցայի մի բաղադրատոմս, որտեղ բացակայում է խմորային հատվածը։ Այն պատրաստվում է թավայում և, հավատացեք, համային առումով չի զիջում խմորային պիցցային։
Անհրաժեշտ է՝
Կատոֆիլ
Աղ, սև պղպեղ
Օրեգանո
Հավկիթ
Մայոնեզ
Կեչտուպ
Երշիկ
Ձիթապտուղ
Լոլիկ
Սոխ
Պանիր
Վարունգ
2-3 կարտոֆիլներն անցկացնել քերիչով։ Կարտոֆիլն այս բաղադրատոմսում խմորի դեր է իրականացնում։
Ավելացնել փոքր-ինչ աղ։ Ապա կարտոֆիլից քամել ավելորդ հեղուկը և վրան ավելացնել հավկիթ, ապա՝ սև պղպեղ։
Տաք թավայի վրա լցնել ձիթայուղ, որտեղ էլ պետք է տապակել կարտոֆիլային զանգվածը։
Մինչ կարտոֆիլի տապակվելը առանձին տարայում լցնել 2 ճ․գ մայոնեզ, ավելացնել կետչուպ, օրեգանո և լավ խառնել, ապա տապակած կարտոֆիլը տեղափոխել ափսեի մեջ, վրան քսել սոուսը, որի վրա էլ կարելի է դասավորել մյուս բաղադրիչները՝ ըստ ճաշակի։
Բաղադրիչները վերցրեք աչքաչափով և ցանկությամբ՝ որքան նախընտրում եք։ Ապա տեղափոխել 80 աստիճանով տաքացված ջեռոց ՝ 6-7 րոպե։ Եվ վերջ, համեղագույն պիցցան կարող եք վայելել։
