Շոկո պուդինգ. ամենահամեղ վեգան պուդինգը։ Այո՛, վեգան և համեղ ուտել սիրողները կարող են այն իրենց թույլ տալ համտեսել պահքի ընթացքում։
Անչափ արագ պատրաստվող այս դեսերտը հրաշալի տարբերակ է հյուրասիրել անսպասելի ժամանած հյուրերին։ Հավատացնում ենք, որ այն դուր կգա բոլորին։ Համեղ է, օգտակար և հագեցած վիտամիններով, որոնք անչափ անհրաժեշտ են մեր օրգանիզմին, հատկապես այս ամիսներին, երբ օրգանիզմը վերականգնել է պետք։
Անհրաժեշտ է՝
⠀
Կես լավ հասունացած ավոկադո
1 փոքր բանան
1 ճ/գ կակաո
1 ճ/գ մեղր կամ այլ օշարակ՝ ըստ ցանկության
30 մլ բուսական կաթ կամ ջուր ( կարելի է նաև կովի կաթ, եթե բուսակեր չեք կամ պահքի մեջ չեք)
⠀
Եվ այսպես անցնենք պատրաստման գործընթացին․ ընդամենն անհրաժեշտ է բլենդել բոլոր բաղադրիչները և ստանալ ամենանուրբ, ամենաթեթև,
բայց միաժամանակ հագեցնող պուդինգը, որը կարող եք ուտել ինչպես նախաճաշին, այնպես էլ օրվա ցանկացած ժամի որպես քաղցրավենիք:
