Այսօր կներկայացնենք շոկոլադե տորթի բաղադրատոմս, որը կարելի է պատրաստել միկրոաիքային վառարանում ընդամենը յոթ րոպեի ընթացքում։ Միգուցե անհավանական թվա, բայց փորձեք և կհամոզվեք։ Աննկարագրելի համեղ և դյուրին գործընթացով բաղադրատոմս է։ Այն հրաշալի լուծում է, երբ հանկարծ քաղցրի կարիք եք զգում։
Անհրաժեշտ է՝
Մածուն — 150 գ
Սոդա — 0,5 թ․գ․
Հավկիթ — 3 հ․
Շաքարավազ — 150 գ
Կարագ — 40 գ
Ալյուր — 120 գ
Կակաո — 3 ճ․գ․
Աղ — 1 պտղունց
Սոդան միախառնել մածունին և սպասել ռեակցիայի սկսելուն, ապա զանվածին միացնել, հավկիթները, շաքարավազը և կարագը։ Իսկ ահա առանձին տարայում միախառնել ալյուրը, կակաոն և աղը, այնուհետև դանդաղորեն ավելել մածնային զանգվածին՝ զգուշորեն խառնելով։
Պետք է ստացվի հարթ, առանց գնդիկների, թթվասերից փոքր-ինչ թույլ խմոր, որն անհրաժեշտ կլինի տեղափոխել թխելու համար նախատեսված կարագապատված ձևամանի մեջ և 7 ր թխել միկրոալիքային վառարանում ամենաբարձր ջերմաստիճանով (այստեղ՝ 750)։
Դուրս բերելուց հետո պատառաքաղով անցքեր արեք, հովացրեք և վրան քսեք ձեր իսկ ցանկացած կրեմն ու կատարեք ձեր իսկ ցանկացած զարդարանքը։
