Այսօր առաջարկում ենք մեր ներկայացրած բաղադրատոմսով պատրաստել այս անչափ համեղ ուտեստը, որի պատրաստման համար շատ ջանքեր չեն պահանջվում և որ ամենակարևորն է պատրաստվում է մատչելի բաղադրիչներից։
Ուտեստն իրենից ներկայացնում է ձվով և թարմ կանաչիներով պիրոգ։ Այն շատ լավ նախաճաշ կարող է ծառայել։ Ոչ միայն շատ համեղ է ստացվում, այլ նաև օգտակար է։
Անհրաժեշտ է՝
Խմոր՝
Սոդա — 1 թ․գ․
Աղ — 1 թ․գ․
Հավկիթ — 2 հ․
Կարագ — 200 գ
Մածուն — 1 բաժակ
Ալյուր — 4 բաժակ
Միջուկ՝
Երեք լավ փունջ կանաչի (կանաչ սոխ, մաղադանոս և սամիթ)
Եփած հավկիթ — 7 հ․
Կարագի վրա կոտրել մեկ հավկիթ և մեկ հավկիթի սպիտակուցը, իսկ դեղնուցը անհրաժեշտ կլինի պիրոգի երեսին քսելու համար։ Ավելացնել մածուն և լավ խառնել։
Բոլոր մթերքները պետք է լինեն սենյակային ջերմաստիճանի։ Ավելացնել աղը, սոդան, մաղած ալյուրը և այս ամենից ստանալ փափուկ, ձեռքերին չկպչող խմոր։ Պատրաստի խմորը 30 րոպե թողնել հանգստանա։
Իսկ այդ ընթացքում առաջարկում ենք պատրաստել միջուկը․ կանաչիները և հավկիթները մանրացնել, համեմել ըստ ճաշակի և լավ խառնել։ Խմորը բաժանել 4 մասի և յուրաքանչյուրը բարակ շերտով գրտնակել, ավելացնել միջուկը և փաթաթել՝ տալով ռուլետի տեսք, որից հետո փաթաթել, ինչպես պատկերված է լուսանկարներում։
Դնել յուղաթղթով նախապատրաստած ձևամանում, պատառաքաղով անցքեր անել, վրան քսել դեղնուցը և թխել 180 աստիճանով տաքացված ջեռոցում մինչ ոսկեգունելը (մոտավորապես 40-50 ր․)։
