Դիետիկ, բայց և միևնույն ժամանակ համեղ ուտեստներն ակնքան էլ շատ չեն։ Թռչնամիսը նախընտրելի է շատերի կողմից, ովքեր սիրով այն ներառում են սննդակակարգում։ Եվ ահա բերել ենք մի յուրօրինակ բաղադրատոմս հավի կրծքամսով։ Հավի մսից ուտեստները երբեք շատ չեն լինում։
Անհրաժեշտ կլինի՝
Հավի կրծքամիս — 2 հ․
Սունկ — 150 գ
Սոխ — 1 հ․
Սխտոր — 2 ատամիկ
Սերուցք — 150 մլ
Սև պղպղեղ, կարմիր պղպեղ, սխտորի փոշի, աղ
Եվ պանիր, որը կիրառվում է ըստ ցանկության
Թռչնամիսը համեմել և տապակել բուսայուղում երկու կողմից, ապա պատրաստի միսը տեղափոխել ափսեի մեջ և նույն թավայում սոխը, սխտորը տապակել, հավելել մանրացված սունկը, որն անհրաժեշտ է տապակել 5-7 ր՝ անընդհատ խառնելով։
Տապակած հավի միսը վերադարձնել թավայի մեջ, վրան լցնել 3 ճ․գ․ ջուր և փակ կափարիչով կրկին եփել 10 ր։
Ապա լցնել աղը, սերուցքը և եթե կցանկանաք, նաև պարմեզան տեսակի պանիր, թողնել ևս 2 ր և վերջ,։ Առաջարկում ենք համադրել կարտոֆիլի հետ և վայելել աներևակայելի համը։
