Հայկական ուտեստներից շատ շատերը մոռացվել են։ Մոռացմանը նպաստել են, ըստ երևույթին, արտասահմանյան խոհանոցի ակտիվ ներթափանցումը։
Հայկական խոհանոցում կան ուտեստներ, որ անփոխարինելի են և որ ոչ պակաս կարևոր է՝ անչափ օգտակար։ Ցանկանումենք ներկայացնել մի ուտեստ, որը շատ համեղ է և արժի վերհիշել։ Հատիկ լոբով այս ուտեստը իդեալական է պահքի շրջանում։ Այն կոչվում է Հայկական փիլակի։ համեղ, հագեցնող պասային ուտեստ
Անհրաժեշտ է՝
1 միջին գազար
1 ատամիկ սխտոր
Բուսայուղ
0,5 գլուխ սոխ
1 քերած լոլիկ կամ 1 ճ/գ տոմատ
Աղ, սև պղպեղ
1 կարտոֆիլ
200 գ եփած լոբի
1 բաժակ ջուր
Մի քանի ճյուղ համեմ
Սոխը, գազարը և սխտորը տապակել, ավելացնել մյուս բաղադրիչները և շատ մանր կտրատած կարտոֆիլը: Հավելել ջուրը և եփել 15-20 ր, մինչ կարտոֆիլի փափկելը: Ավելացնել կանաչի և մատուցել: Կարելի է ուտել նաև սառը վիճակում։
Սա պատկանում է այնպիսի ուտեստների շարքին, որոնց օգնությամբ կոլորիտային մթնոլորտը սեղանի շուրջ այնքան հմտորեն կարելի է ստեղծել։ Պատրաստեք և վայելեք։ Բարի ախորժակ։
