Համեղ է և էսթետիկ տեսքով այս քաղցրեղենը կզարդարի ձեր սեղանը և հաճելիորեն կզարմացնի սիրելի հյուրերին։ Պատրաստեք և կհամոզվեք։
Այսպես՝ տորթ «Կոճղ»-ի համար անհրաժեշտ է՝
6 հ․ հավկիթ
200 գ շաքարավազ
4 ճ․գ․ մեղր
150 գ հալեցրած կարագ
1 թ․գ․ փխրեցուցիչ
3 ճ․գ․ կակաո
250-300 գ ալյուր
Կրեմ
2 հ․ հավկիթ
60 գ շաքարավազ
0,5 բաժակ խտ․ կաթ
3 ճ․գ․ ալյուր
250 մլ կաթ
180 գ կարագ և վանիլին
Խմորը ստանալու համար բոլոր բաղադրիչները միախառնել, ստանալ միասեռ զանգված, բաժանել երեք մասի, թխել 180 աստիճան տաք ջեռոցում 10-15 ր։ Շերտերը պատրաստ լինելուց հետո բաժանել հավասար մասերի։ Այնուհետև քսել կրեմը և թողնել մոտավորապես 10 ր, որպեսզի շերտերը փափկեն և կարողանաք ռուլետանման փաթաթել իրար վրա։ Կրեմ․ բաղադրիչները խառնեք, եփեք միջին կրակի վրա՝ արագ խառնելով։
Զանգվածը խտանալուն պես վերցրեք կրակից, փակեք սննդային թաղանթով՝ թողնելով հովանա, հետո լավ հարեք կարագի հետ և վերջ։ Կրեմը քսելուց հետո անհրաժեշտ է զարդարել։ Այն կատարեք այնպես, ինչպես որ դուք եք ցանկանում, ապա տեղափոխեք սառնարան և թողեք մի քանի ժամ։
Անպայման փորձեք, ինչպես նկատեցիք այս համեղությունը առանց բարդությունների կարելի է ստանալ։ Կցված լուսանկարները օգտակար կլինեն։