Ներկայացնում ենք թխվածքաբլիթների անչափ հեշտ բաղադրատոմս, որը կդառնա ձեր երեխաների սիրելի բլիթը։ Այն կարելի է ունենալ պայուսակում՝ որպես համեղ նախաճաշիկ։ Այն փափուկ և չափազանց համեղ է ստացվում և ունի դյուրին պատրաստման պրոցես։
Կարող է զարանալի հնչել, բայց անհրաժեշտ է ընդամենը 3 բաղադրիչ, չեք հավատա, բայց նույնիսկ ալյուր կամ փխրեցուցիչ անհրաժեշտ չէ։ Այս թխվածքաբլիթները կոչվում են Կոկոսային, որի նուրբ համը հիշեցնում է Բաունտի շոկոլադ։
Եվ այսպես, անհրաժեշտ է՝
Հավկիթ — 2 հ․
Շաքարավազ — 80-100 գ
Կոկոսի փաթիլներ — 250-300 գ
Ձեզ միայն մնում է միացնել իրար այս երեք բաղադրիչները, լավ խառնել, ձեռքերի օգնությամբ ստանալ փոքրիկ գնդեր, դասավորել յուղաթղթով նախապատրաստած ձևամանում և ուղարկել տաք ջեռոց։ Առաջարկում ենք ջեռոցում երկար չթողնել․ երբ փոքր-ինչ կկարմրի, անմիջապես դուրս բերեք ջեռոցից։
Կոկոսի փաթիլների քանակը կարող է տարբեր լինել․ այն կախված է հավկիթի չափերի։ Իսկ նյութին կցված լուսանկարները կարող են օգտակար լինել։