Եթե ցանկանում եք ճաշին կամ ընթրիքին յուրահատուկ և հագեցնող նորույթ, ապա այս բաղադրատոմսը հենց ձեզ համար է


Եթե ճաշին կամ ընթրիքին համով , առանձնանհատուկ նորույթ եք ուզում մատուցել՝ առաջարկվող ուտեստը ձեզ է հասցեագրված։ Այն սիրով կհամտեսեն բոլորը ։ Համով է և կշտացնող՝ շնորհիվ խմորային մասի։

Եվ այսպես, նախապատրաստեք հետևյալ մթերքները՝

Խմոր՝

Ալյուր — 400 գ

Աղ — 1/2 թ․ գ․

Հավկիթ — 1 հ․

Ջուր — 200 մլ

Միջուկ՝

Աղացած տավարի միս — 500 գ

Սոխ — 1 գլուխ

Աղ, սև պղպեղ՝ ըստ ճաշակի

ՄԻ փոքր բուսայուղ տապակելու համար

Գազար — 1 հ․

Սոխ — 1 գլուխ

Տոմատի մածուկ — 1 ճ․ գ․

Կարտոֆիլ — 3 հ․

Ջուր — 500 մլ + մի փոքր աղ

Խմորը պատրաստելու համար ալյուրին միացնել աղ, հավկիթ, ջուր և ստանալ ձիգ խմորային զանգված։ Փակել սննդային թաղանթով և տասնհինգ րոպեով դնել մի կողմ։ Այդ ժամանակահտվածում պատրաստել միջուկը․ աղացած մսին ավելացնել քերած սոխ, աղ, սև պղպեղ և լավ խառնել։

Խմորը բաժանել 2 մասի , գրտնակով բացել, միսը հավասարապես տարածել վրան, փաթաթել ռուլետի տեսքով և կտրտել պատկերվածի պես։

Թավայում կարմրացնել մանրացված սոխը բուսայուղի հետ, միացնել քերած գազարը, տոմատ և տապակել։ Վրան դասավորել կարտոֆիլները, որոնց վրա էլ դասավորել փաթաթուկները, լցնել ջուրը և եփել միջինից ցածր կրակով երեսուն ր․։


Понравилась статья? Поделиться с друзьями:
error: Content is protected !!