Առաջարկում ենք ընթրիքին պատրաստել դդմիկ կորեկան ձևով։ Այն շատ յուրահատուկ և նուրբ համ ունի։ Հարմար կլինի մատուցել ընթրիքին, քանի որ բանջարեղենային պարունակության շնորհիվ թեթև է, իսկ ճաշին կարելի է օգտագործել որպես աղցան և մատուցել փլավային ուտեստների հետ։
Անհրաժեշտ է՝
Դդմիկ — 3 հ․
Գազար — 2 հ․
Սոխ — 2 հ․
Սխտոր — 2 պճեղ
Կիտրոն — 0,5 մասը
Կանաչի — 0,5 կապ
Բուսայուղ — 100 մլ
Խաղողի քացախ 6% — 2 ճ․գ․
Շաքարավազ — 1 թ․գ․
Խմելի-սունելի — 1 թ․գ․
Պապրիկա — 1 թ․գ․
Հատիկավոր սև պղպեղ — 10 հ․
Աղ — 2 թ․գ․
Դդմիկը կտրատել երկարությամբ, ինչպես պատկերված է լուսանկարներում։ Եթե կեղևը բարակ է, ապա կարելի է պատրաստել կեղևով։ Այնուհետև վրան լցնել աղը, շաքարավազը, համեմունքները և կիտրոնի հյութը։
Այս ամենը լավ խառնել և դնել մի կողմ։ Այդ ընթացքում տապակել սոխը և ավելացնել գազարը, որն անհրաժեշտ է կտրատել ինչպես դդմիկը և տապակել սոխի հետ միասին առանց կափարիչի, միջին կրակի վրա, 3-4 րոպե, որից հետո տեղափոխել ափսեի մեջ։
Ապա դդմիկը քամել ավելորդ հեղուկից և տապակել նույն թավայի մեջ և վրան լցնել տապակած գազարն ու սոխը, ավելացնել սխտորը, մի փոքր աղ, քացախ և կանաչին։ Լավ միախառնել և 3-4 ժամ պահել սառնարում, որից հետո կարելի է համտեսել։