Ամռան այս տապին առաջարկում ենք պատրաստել դդմիկով թեթև բլիթներ, որոնք անչափ նուրբ համ ունեն և կարող են անփոխարինելի լինել թե՛ նախաճաշին, թե՛ ճաշին և թե՛ ընթրիքին։ Այն հիանալի ուտեստ կարող է հանդիսանալ նիհարել ցանկացողների համար։ Յուրահատուկ է իր տեսակի մեջ։
Եվ այսպես, ձեզ անհրաժեշտ կլինի՝
Դդմիկ — 230 գ
Հավկիթ — 2 հ․
Կաթ — 4 ճ․գ․
Պանիր — 30 գ
Բրնձի ալյուր — 3 ճ․գ․
Աղ, պղպեղ, կանաչի
Միջուկի համար՝
Պանիր
Սխտոր
Լոլիկ
Կաթնաշոռ
Բոլոր բաղադրամասերն անցկացնել քերիչով և լավ խառնել։ Դդմիկը մինչ մյուս բաղադրիչներին միացնելը ձեռքերով լավ քամել և հեռացնել հյութը։ Լավ խառնելուց հետո այն տապակել չկպչող թավայի մեջ առանց բուսայուղի։ Տապակել անհրաժեշտ է նրբաբլիթների տեխնիկայով։
Այնուհետև պատրաստել միջուկը․ կրկին միախառնել բոլոր բաղադրիկչները, լավ խառնել և սկսել քսել դդմիկից պատրաստված բլիթների վրա, փաթաթել և վերջ, կարելի մատուցել։ Ստացվում է անսահման նուրբ, համեղ նախուտեստ, որը կհավանեն նույնիսկ ամենաքմահաճ քիմքի մարդիկ։