Համեղ ուտել բոլորն են սիրում։ Հանգստյան օրերին առաջարկում ենք պատրաստել վրացական խոհանոցից հայտնի և շատերի կողմից սիրված Աջարական խաչապուրի։ Այն անչափ համեղ է, ունի պատրաստման հեշտ գործընթաց և հագեցնող է։
Խաչապուրու այս տեսակի պատրաստման համար ձեզ անհրաժեշտ կլինի՝
Պանիր՝ Սուլուգունի — 250 գ
Ձիթայուղ — 1 ճ․գ․
Աղ, սև պղպեղ, շաքարավազ, խմորիչ — մեկական թ․գ․
Հավկիթ — 5 հ․
Ալյուր — 2,5 բաժ․
Ջուր — 1բաժ․
Կարագ՝ ըստ ճաշակի
Տաք ջրի մեջ լցնել շաքարավազը, ապա խմորիչը, մի փոքր խառնել և փրփրացող զանգվածը դնել մի կողմ։ Այնուհետև ավելացնել մեկ հավկիթ՝ սենյակային ջերմաստիճանի և հարել , լցնել աղը, երեք ճ․գ․ ձիթայուղ, ապա ալյուրը։ Հունցել խմոր այնքան, մինչ կստացվի միասեռ զանգված։
Հունցման պրոցեսը ձեզանից կխլի տասը րոպե։ Խմորը պետք է թողնել հանգստանա, բարձրանա։ Այդ ընթացքում խոշոր քերիչով քերել պանիրը։ Խմորը բաժանել երեք մասի և ձևավորել՝ ստանալով Աջարական խաչապուրու տեսք։ Մեջը լցնել քերած պանիրը և խմորի շուրջը պատել հարած ձվով։ Տեղափոխել 200 աստիճան տաքացված ջեռոց։
Մի քանի րոպե թխվելուց հետ (5 րոպե) ավելացնել հավկիթը և շարունակել թխել երեքից հինգ րոպե։ Հրաշալի խաչապուրիները մատուցել մեկ կտոր կարագով և վրան շաղ տալ սև պղպեղ։