Ամռան շոգին հաճախ ուտելու ցանկություն չի լինում։ Բայց, այնուամենայնիվ, ուտել հարկավոր է։ Այդ պատճառով առաջարկում ենք մի հրաշալի, թեթև և նուրբ համային հատկանիշնեշրով օժտված աղցան։
Այն նաև բավական հեշտ է պատրաստել․ ձեզ հարկավոր կլինի ընդամենը տասը րոպե։ Այնքան համեղ է ստացվում, որ անդադար պատրաստելու ցանկություն կլինի։
Անհրաժեշտ է՝
Հավի կրծքամիս — 400 գ
Հավկիկթ — 2 հ․
Աղ, պղպեղ՝ ըստ ճաշակի
Բուսայուղ — 1 ճ․գ․
Վարունգ — 1 հ․
Լոլիկ — 1 հ․
Թթվասեր — 2 ճ․ գ․
Մանանեխ — 1 ճ․գ․
Կարմիր պղպեղ — 1 հ․
Խաշված հավի կրծքամիսը մանրեցնել, վրան ավելացնել մանր կտրատած պղպեղը, լոլիկը և վարունգը։ Դնել մի կողմ։
Հավկիթները համեմունքներով լավ հարել և բուսայուղի մեջ տապակել երկու կողմից։ Մինչ կսառի պատրաստի ձուն, անհրաժեշտ է պատրաստել սոուսը․ թթվասերին ավելացնել մանանեխ և համեմունքներ ըստ ճաշակի և լավ միախառնել։
Պատրաստի հավկիթը փաթաթել և բարակ-բարակ կտրատել, ապա լցնել մյուս բաղադրիչների վրա և համեմել սոուսով և վերջ։ Բարի ախորժակ։