Ճակնդեղով աղցանը հայտնի է բոլորին և գրեթե բոլոր երկրներում և, իհարկե, այն յուրաքանչյուրը յուրովի է պատրաստում, որն էլ յուրատեսակ համային հատկանիշներով է օժտված լինում։ Բացի համեղ և թեթև լինելուց այն անչափ օգտակար է։ Կարելի է հաճախակի պատրաստել և ամրացնել հարազատների իմունայն համակարգը։ Ահա ներկայացնում ենք վերոնշյալ աղցանի մեկ այլ տարբերակ։ Պատրաստեք և կիսվեք ձեր կարծիքով։
Անհրաժեշտ է՝
2 ճակնդեղ
50 գ ընկույզ
1 պճեղ սխտոր
Աղ և սև պղպեղ
2 ճ/գ բուսայուղ
5 հ․սալորաչիր
Ճակնդեղն այս աղցանում հարկավոր է խաշված։ Այն անցկացնել քերիչով, ապա միացնել նախատեսված բոլոր մյուս բաղադրամսերը և լավ խառնել։
Այստեղ նորությունը սալորաչիրն է, որն անհրաժեշտ կլինի մանրացնել։ Սալորաչիրը յուրատեսակ համ է հաղորդում և այն իսկապես թագավորական դարձնում։ Աղցանը համադրեք փլավային, կարտոֆիլային ուտեստների հետ։
Բազուկը հիանալի համադրվում է այլ բանջարեղենների հետ ևս։ Պատրաստեք և կիսվեք կարծիքով՝ արդյո՞ք հավանեցիք այս տարբերակը։
