Հայկական տոլման ամենահամեղ և ավանդական ուտեստն է, որը տարիների ընթացքում չի կորցրել իր առաջնահերթությունը։ Ցանկացած տոնական սեղանի ամենահամեղ և ցանկալի ուտեստը հենց տոլման է՝ հայկական տոլման։ Յուրաքանչյուր տան տիկին ունի պատրաստման իր մոտեցումը և ամենահամեղ միայն ու միայն մայրիկի պատրաստածն է։
Եվ այսպես, այս նոր բաղադրատոմսով պատրաստելու համար ձեզ անհրաժեշտ կլինի՝
Կաղամբ — 1 մեծ գլուխ
Սխտոր — 2 ատամիկ
Սոխ — 1 հ․
Գազար — 1 հ․ (միջին)
Աղացած հորթի միս — 800 գ
Բրինձ — 100 գ
Աղ, սև, կարմիր պղպեղներ և թթվասեր՝ ըստ ճաշակի
Կաղամբը լավ լվանալ հեռացնել պոչուկային մասը և վրայից մեկ շերտ ու դնել միկրոալիքային վառարանում(10ր)։ Այնուհետև մանր կտրատել սոխը, վրան ճզմել սխտորը, մեծ քերիչով անցկացնել գազարը և մի փոքր տապակել բուսայուղում, որից հետո ստացվածը լցնել աղացած մսի վրա, հավելել հում բրինձ և իհարկե նշված բոլոր համեմունքները, ապա նաև թթվասերը։
Այս ամենը լավ խառնել և վերածել համասեռ զանգվածի։
Այնուհետև կաղմաբի թերթիկներն առանձնացնել, դասավորել համապատասխան ձևամանում, փաթաթել կաղամբի թերթիկները, ծածկել փայլաթիթեղով և տեղափոխել 180 աստիճան տաքացված ջեռոց, որտեղ պետք է ուտեստը եփվի մեկ ժամ։ Բարի ախորժակ։
