Ամառվա այս տապին քիմքին այնքան էլ հաճելի չեն տաք կերակուրները, ապուրները և այլն։ Բոլորս էլ առավել շատ հակված ենք համտեսել աղցաններ։ Այդ բազմազանության մեջ առանձնացրել ենք մի աղցան, որի բաղադրությունն առանձնակի հետաքրքրություն է ներկայացնում։ Այն ոչ միայն համով է, այլև շատ օգտակար և որ ամենակարևորն է ունի պատրաստման դյուրին գործընթաց։
Անհրաժեշտ է՝
Տապակած սմբուկ — 1-2 հ.
Եփած սիսեռ — 1 բաժակ
Լոլիկ — 1 միջին չափի
Սխտոր — 1-2 ատամիկ
Կանաչ սոխ — 3 ճյուղ
Համեմ՝ ըստ ճաշակի
Աղ, սև պղպեղ
Աղցանի պատրաստի բաղադրիչները միախառնել և վերջ այն պատրաստ է։ Այս վիտամիններով հագեցած ամառային աղցանի մեջ լոլիկը պետք է ավելացնել մատուցելուց առաջ:
Հակառակ դեպքում սառնարանում մնալով այ կկորցնի թարմությունը։ Մեկ նկատառում ևս՝ սիսեռը կարելի է շատ քանակությամբ եփել, ավելցուկը քամել, դնել սառցարան, պետք եկած ժամանակ օգտագործել կրկին այս աղցանից պատրաստելիս։
Համոզված եղեք, որ մեկ անգամ պատրաստելուց հետո կրկին ցանկություն կունենաք այն պատրաստել։
