Աշխատանքի ավարտին ամենաքիչը, որը ցանկանում է տանտիրուհին՝ խոհանոցում պատրաստելն է, սակայն ուտել հարկավոր է բոլորին։ Առաջարկում ենք անչափ հեշտ բաղադրատոմս, որը, սակայն, անմահական համային հատկանիշներով է օժտված։
Անհրաժեշտ է՝
Հորթի աղացած միս — 500 գ
Խոզի աղացած միս — 150 գ
Սոխ — 1 հ․
Համեմ, մաղադանոս՝ ըստ ճաշակի
Լավաշ — 2 տուփ
Սոուսի համար՝
Տոմատի մածուկ — 1,5 ճ․գ․
Սխտորի փոշի — 0,5 թ․գ․
Չոր ռեհան — 0,5 թ․գ․
Պապրիկա — 0,5 թ․գ․
Ջուր — 30-40 մլ
Աղ, պղպեղ՝ ըստ ճաշակի
Աղացած մսի տեսականին միախառնել, միացնել բլենդերով անցկացված կանաչին, սոխը, համեմել և լավ խառնել։ Այնուհետև անցնել սոուսի պատրաստմանը։
Անհրաժեշտ է նախատեսված բոլոր բաղադրամասերը միախառնել։ Սոուսը քսել կլոր լավաշի լոշիկին, վրան դնել մսային միջուկը, ապա անյուղ թավայում եփել՝ սկզբում լավաշի կողմից, այնուհետև մսային հատվածից (2-ական րոպե)։
Տաք վիճակում ծալել և մատուցել այս համեղ ուտեստը, որն առաջին հայացքից հիշեցնում է լահմաջո։ Բարի ախորժակ։
