Այսօր ներկայացնելու ենք լիբանանյան խոհանոցից մի այնպիսի համեղագույն ուտեստ, որն այնքան շատ են սիրում նաև Հայաստանում։ Հումուս կարելի է հաճախ հանդիպել նաև հայկական ռեստորաններում։ Ներկայացնում ենք մի բաղադրատոմս, որն այնքան հեշտ ու համեղ է։
Եվ այսպես, անհրաժեշտ է՝
1.5 բաժակ եփած սիսեռ
0,5 կիտրոնի հյութ
1 ճ/գ թահին (քունջութի մածուկ)
1 պտղունց սև պղպեղ
1 պտղունց քիմիոն ( պարտադիր է)
1 ատամ սխտոր
5-6 ճ/գ սառը ջուր
2 ճ/գ զեյթունի ձեթ
Աղ
Կարմիր պղպեղ և ձիթայուղ ձևավորման համար
⠀
Սիսեռը սառը ջրով թրջել, թողնել 1 գիշեր: Առավոտյան քամել, նորից սառը ջուր լցնել և խաշել: Խաշած սիսեռը մի փոքր սեղմելով շատ հեշտ մաքրվում է թաղանթից, այսինքն՝ դուրս բերել սիսեռին հատուկ թափանցիկ պատիճները։
Այնուհետև լցնել բլենդերի մեջ, ավելացնել մյուս բաղադրիչները ու բլենդել սառնարանից հանած սառը ջրով կամ սառույցի կտորներով:
Բլենդել մինչև ստացվի համասեռ զանգված, տեղափոխել մատուցվող ափսեի մեջ, գդալով փոսիկ անել և ավելացնել ձիթայուղը։ Եվ վերջ, ամենահամեղ հումուսը պատրաստ է:
