Այս բուլկիներն այնքան դյուրին է պատրաստելը և հավատացնում ենք, որ այն համեղ կմնա անգամ հաջորդ օրը։ Այն կարելի է նաև երեխաների պայուսակում դնել՝ դպրոցում նախաճաշիկի համար։
Այս բաղադրատոմսով կկարողանան հեշտորեն պատրաստել խոհանոցում փորձառություն չունեցող անձիք։
Անհրաժեշտ է՝
Կաթ — 250 մլ
Շաքարավազ — 80 գ
Խմորիչ — 1,5 թ․գ․
Բուսայուղ — 30 մլ
Հավկիթ — 1 հ․
Վանիլ — 1 փաթեթ
Աղ — 1/3 թ․գ
Կարագ — 50 գ
Ալյուր — 450-500 գ
Միջուկ՝
Եփած խտացրած կաթ — 1 բանկա
Շաքարի փոշի — 1 ճ․գ
Տաք կաթին միացրեք շաքարավազը, խմորիչը, խառնեք և թողեք մնա 10 ր։ Այնուհետև հավելեք բուսայուղը, հավկիթը, վանիլը և աղը, լավ խառնեք, մաղեք ալյուրը և ստացեք խմոր։
Հունցման վերջում ավելացրեք կարագը, մի փոքր հունցելուց հետո ծածկեք և թողեք 1 ժ, որից հետո խմորից առանձնացրեք կտորներ, ձևավորեք գնդիկներ․ այնուհետև մեջտեղում լցրեք միջուկը, այսինքն՝ եփած խտացրած կաթը, ձևավորեք, ստացեք բուլկի։
Դասավորեք յուղաթղթով պատված ձևամանում, ծածկեք և սպասեք 20 ր, որից հետո վրան քսեք հարած հավկիթ, ապա տեղափոխեք 180 աստիճան տաք ջեռոց 25-30 րոպեով։
