Պատրաստեք թխվածքաբլիթներն այս բաղադրատոմսով և գոհացրեք ընտանիքի անդամներին։ Այն փափուկ, նուրբ շոկոլադային համ ունի և դյուրին պատրաստման գործընթաց։ Հիանալի նախաճաշ կարող է լինել։ Իդեալական է և՛ թեյի, և՛ սուրճի, և՛ պարզապես երեկոները վայելելու։
Նախապատրաստեք հետևյալ մթերքները՝
Հավկիթ — 1 հ․
Բուսայուղ — 70 մլ
Ջուր — 50 մլ
Շաքարավազ — 100 գ
Ալյուր — 250 գ
Կակաո — 20 գ
Վանիլ — 10 գ
Փխրեցուցիչ — 8 գ
Մի փոքր շաքարի փոշի թխվածքաբլիթների վրա շաղ տալու համար։
Անհրաժեշտ է չոր բաղադրիչներն իրար միացնել, թաց բաղադրիչները՝ իրար։ Եվ այսպես, մեկ հավկիթը բուսայուղի և ջրի հետ գդալով խառնել, դնել մի կողմ։
Այնուհետև շաքարավազը, ալյուրը, կակաոն, վանիլը և փխրեցուցիչը միացնել իրար։ Այնքան խառնել, որպեսզի մեկ երանգ ստացվի։ Ապա չոր և թաց բաղադրիչները միացնել իրար և ստանալ ոչ շատ պինդ խմոր։
Ձեռքերին քսել բուսայուղ և խմորից վերցնելով փոքրիկ կտորներ՝ ձևավորել կլոր թխվածքաբլիթներ և դասավորել յուղաթղթով նախապատրաստած ձևամանի մեջ, վրան շաղ տալ շաքարի փոշի և թխել 180 աստիճան տաք ջեռոցում՝ տասնհինգ րոպե։