Այս շրջանում պահքն է, իսկ պահքի մեջ գտնվողները փնտրում են այնպիսի ուտեստներ, որոնք հագեցնող կլինեն և կհետաքրքրացնեն սահմանափակ ռացիոնը։ Այն բազմազանություն կբերի բանջարեղենային միատեսակ ուտեստների ցանկում։
Համեղ և օգտակար այս ուտեստի համար անհրաժեշտ կլինի՝
Հնդկաձավար — 200 գ
Սոխ — 1 հ․
Գազար — 2 հ․
Սունկ — 350 գ
Բուլղարական պղպեղ — 1 գ․
Սամիթ — մի քանի ճյուղ
Աղ, պղպեղ՝ ըստ ճաշակի
Բուսայուղում սոխը կարմրացնել, սունկը կտրատել խոշոր և սոխի հետ շարունակել կարմրացնել։ Գազարը և պղպեղը քառակուսիներով կտրատել և միացնել սնկային զանգվածին, ապա հավելել մանրացված սամիթը,
համեմել, ավելացնել հնդկաձավարը (մաքրած, լվացած) և ջուրն այնքան, որ ծածկվի ամբողջ զանգվածը» Տեղափոխել 200 աստիճան տաքացված ջեռոց և եփել 45ր։
Եփման ընթացքում երկու անգամ խառնել։ Ստացվում է համեղ ուտեստ, որը բառերով դժվար է նկարագրել։ Պատրաստեք և կհամոզվեք։ Վայելեք պահքի շրջանի ամենահամեղ ոիտեստը։ Բարի ախորժակ։
