Առողջ սնունդը բարձր գնահատողների համար այսօր անակնկալ ունենք։ Այսօրվա բաղադրատոմսը հասցեագրված է հենց նրանց։ Առաջարկում ենք նախաճաշի այնպիսի բաղադրատոմս, որն առողջ սնունդ է համարվում, հետևաբար իրենց կազմվածքին հետևող մարդիկ կարող են պատրաստել, համտեսել և չմտածել ավելորդ կիլոգրամների մասին։
Եվ որ ամենակարևորն է այս նախաճաշն անչափ համեղ է։ Պատրաստեք, փորձեք և կհամոզվեք։
Անհրաժեշտ է՝
Տարեկանի հաց
Պեստո սոուս
Պանիր Մոցարելլա
Լոլիկ
Պեստո սոուս ստանալու համար վերցրեք ռեհանի կանաչ տերևները, մեկ կտոր պարմեզան պանիր, մեկ ատամիկ սխտոր, մի քանի հատ գետնանաուշ, աղ, պղպեղ և ձիթայուղ։ Այս ամենն անցկացնել բլենդերով և վերջ։ Իսկ այժմ նախաճաշի մասին․ հացի վրա քսել պեստո սոուս, վրան դնել մեկ կտոր մոցարելլա, ապա լոլիկ և ծածկել պեստո սոուսով պատած հացի կտորով։
Այնուհետև տաք ջեռոցում մի փոքր չորացրեք պատրաստի բուտերբրոդները և վերջ ընդամենը մի քանի րոպե և նախաճաշը պատրաստ է։