Օգտագործեք ընդամենը կես կիլոգրամ միս և ստացեք անչափ համեղ ընթրիք։ Հավատացեք այն կհավանեն ընտանիքի բոլոր անդամները։ Այն դժվար չէ նաև պատրաստման գործում։
Անհրաժեշտ է՝
Տավարի աղացած միս — 500 գ
Կարտոֆիլ — 3 հ․
Սոխ — 1 հ․
Բուսայուղ — 3 ճ․գ․
Լոլիկ — 2 հ․
Տոմատի մածուկ — 1
Աղ, սև և կարմիր պղպեղ
Չորացրած ռեհան
Թարմ համեմ
Ջուր
⠀
Սկզբում բուսայուղի մեջ տապակել սոխը, հետո ավելացնել աղացած միսը ու տրորելով խառնել մինչև մի քիչ տապակվի: Համեմել վերը նշված համեմունքներով, ավելացնել տոմատ և թարմ մանրացրած լոլիկ: Մոտ 10 րոպե եփել, որպեսզի լոլիկի ու տոմատի թթվաշությունն անցնի։
Ավելացնել խոշոր կտրատած կարտոֆիլ և այնքան ջուր, որ զանգվածը ծածկվի: Եփել մոտ 20 րոպե մինչև կարտոֆիլը լավ կփափկի։ Կրակն անջատել ու ավելացնել թարմ համեմ:
Պետք է ստացվի պինդ ճաշ։ Լոլիկի փոխարեն կարելի է օգտագործել նաև պահածոյացված լոլիկ։ Իսկ համեմունքներն օգտագործեք ըստ ճաշակի։
