Այսօր առաջարկում ենք պատրաստել անչափ համեղ նախուտեստ լավաշից։ Գրեթե բոլոր երկրներում լավաշից պատրաստված նախուտեստները սիրված են բոլորի կողմից։ Այն միշտ համեղ է ստացվում և որ պակաս կարևոր չէ նաև հեշտ պատրաստման գործընթաց ունի։
Անհրաժեշտ է՝
Լավաշ
Կաթնաշոռ — 200 գ
Պանիր — 200 գ
Հավկիթ — 2 հ․
Սամիթ — կտրատած վիճակում 2 ճ․գ․
Բուսայուղ — 50 մլ
Աղի անհրաժեշտությունը կախված է պանրից։ Օգտագործեք ըստ ճաշակի։
Լավաշը կտրատել մոտավորապես 15-ը 25-ի հարաբերակցությամբ։ Այնուհետև տրորած կաթնաշոռի վրա ավելացնել քերած պանիրը։ Հարկ ենք համարում նշել, որ այս ուտեստին համապատասխանում է Մոցարելլա պանրի տեսակը, ապա հավկիթները և աղ՝ ըստ ճաշակի։ Լցնել սամիթը և միախառնել բաղադրամասերը։
Պատրաստի միջուկը քսել կտրատած լավաշների վրա, ապա փաթաթել լավաշը և բուսայուղով տաքացված թավայի մեջ, փակ կափարիչով տապակել մինչ լավաշը կվարդագունի։
Հավատացնում ենք, որ այն կհավանեն ընտանիքի բոլոր անդամները։ Նուրբ և խրթխրթան համը կստիպի նորից ու նորից պատրաստել այն։