Համեմունքները, սոուսները դրանք համեղ ուտեստների հիմնական գաղտնիքներն են։ Առաջարկում ենք անչափ համեղ նախուտեստի բաղադրատոմս, որտեղ օգտագործվում է հայկական խոհանոցում կիրառելի և շատ տարածված ու սիրելի չորացրած նանան, որը յուրահատուկ համ կարող է հաղորդել յուրաքանչյուր ուտեստի։
Պատրաստման համար ձեզ պետք կլինի 5 ր․ և ընդամենը 5 բաղադրիչ։ Այն համտեսում են լավաշով՝ նախընտրելի է չոր։
Անհրաժեշտ է՝
Սպիտակ անալի պանիր կամ կաթնաշոռ — 100 գ
Քամած մածուն կամ հունական յոգուրտ — 100 գ
Կարագ — 20 գ
Չորացրած նանա — 1 թ․գ․
Թարմ սամիթ — 1 ճյուղ
Զեյթունի ձեթ — 1ճ․գ․
Կաթնաշոռը տրորել, ավելացնել քամած մածունը, հալեցնել կարագը, խառնել չորացրած նանան և ավելացնել զանգվածին: Կտրատել սամիթը, լցնել ափսեի մեջ, ձևավորել և ըստ ճաշակի՝ լցնել 1 գդալ զեյթունի ձեթ: Ահա և վերջ։
Այն որպես նախուտեստ կարող եք մատուցել բազմաթիվ տաք ուտեստների հետ և մատուցել թե՛ ճաշին, թե՛ ընթրիքին։ Փորձեք և ուտեստները մատուցեք նոր մոտեցմամբ և հաճելիորեն զարմացրեք ընտանիքի անդամներին և ընկերներին։
