Այս հրաշք տորթն անհնար է չհավանել։ Այն անչափ համեղ է, գեղեցիկ, իսկ կրեմի մասին պարզապես խոսք չկա։
Անհրաժեշտ է
Ձու՝ 2հատ
Շաքարավազ՝ 320գ
Կաթ՝ 215գ
Մեղր՝ 4ճ/գ
Կարագ՝ 100գ
Սոդա՝ 2թ/գ
Կակաո՝ 6ճ/գ
Ալյուր՝ 900գ
Կրեմի համար
Կաթ՝ 2լ
Շաքարավազ՝ 500գ
Ձու՝ 8հատ
Կարագ՝ 450գ
Ալյուր՝ 8ճ/գ
Կոնյակ՝ 2ճ/գ
Պատրաստման եղանակը
Կաթսայի մեջ տաքացնել կաթը, մեղրը և կարագը։ Հանել կրակից և ներմուծել սոդա։ Առանձին ամանի մեջ ձուն և շաքարավազը հարել։ Ներմուծել կակաոն և կաթնային զանգվածը։
Աստիճանաբար ներմուծել մաղած ալյուրը և խմոր հունցել։ Խմորը կիսել տասը մասի և գրտնակել։ Թխել 180աստիճանի ներքո՝ 5րոպե յուրաքանչյուրը։ Կարևոր է, որ խմորաշերտերը փխրուն լինեն։
Կրեմի համար կաթը տաքացնել, ներմուծել շաքարավազը և խառնել՝ մինչ լուծվի։ Առանձին հարել ձուն և դանդաղ ներմուծել կաթի մեջ։
Շարունակելով հարել՝ ներմուծել ալյուրը և եփել՝ մինչ պնդանա։ Ապա ներմուծել կարագը և կոնյակը։ Հավաքել տորթը՝ կրեմապատելով շերտերը։
Թողնել սառնարանում մինչ առավոտ, որ համերը խառնվեն։