Կարկանդակներ վայելելը հաճելի է բոլորին, հատկապես, երբ դրսում անձև է և տաք թեյով վայելել այն ընտանեկան, ընկերական ջերմ մթնոլորտում, անգնահատելի է։ Մսային միջուկով կարկանդակների համար կարևոր նախապայման է դրանց հյութեղ լինենը։ Հենց դա է հաղորդում կարկանդակին իրական համեղություն։ Հանգստյան օրերին պատրաստեք մսային միջուկով կարկանդակներ և պահպանեք այս բաղադրատոմսը, հավատացեք՝ անհրաժեշտ է լինելու։
Անհրաժեշտ է՝
Խմոր՝
Ալյուր — 500 գ
Եռման ջուր — 200 մլ
Աղ — 1 թ․գ․
Բուսայուղ — 30 մլ
Միջուկ՝
Աղացած միս — 400 գ
Սոխ — 400 գ
Սառը ջուր — 50 մլ
Կանաչի, աղ, պղպեղ
Տաք ջրի մեջ լցնել աղ և բուսայուղ, միախառնել, ավելացնելին ալյուրին։ Խառնման գործընթացը սկսել գդալով, այնուհետև անցնել հունցմանը և ստանալ էլաստիկ խմոր, թողնել 1 ժ հանգստանալ։
Այժմ կարելի է անցնել մսային միջուկի պատրաստմանը։ Բաղադրիչները միախառնել և հունցել։ Այստեղ անչափ կարևոր է ջրի առկայությունը։ Հյութեղ միջուկ ստանալու համար այլ գաղտնիքներ չկան։
Խմորից կտրել կտորներ, գրտնակով ստանալ շրջաններ, միջուկից դնել վրան և ձևավորել կարկանդակ, ինչպես պատկերված է լուսանկարում։ Տապակել բուսայուղի մեջ մինչ ոսկեգունելը և խրթխրթան շերտի գոյանալը։
