Ներկայացնում ենք մի ուտեստ, որի համար հարկավոր կլինի ամենօրյա մթերքներ, սակայն, հավատացեք՝ այն անչափ համեղ է և հագեցնող։ Իսկ ընտանիքի անդամները անչափ գոհ կմնան։ Եվ այսպես, անհրաժեշտ է՝
Կարտոֆիլ — 1 կգ
Հավկիթ — 1 հ․
Ալյուր — 2-3 ճ․գ․
Աղ, պղպեղ
Բուսայուղ` տապակելու համար
Միջուկ՝
Հորթի աղացած միս — 350
Սոխ — 1 հ․
Գազար — 1 հ․
Սունկ — 300 գ
Բուսայուղ — 40 մլ
Աղ, պղպեղ` ըստ ճաշակի
Սամիթ — 30 գ
Կարկանդակներ հիշեցնող այս ուտեստը խիտ ալյուրային խմոր չունի։ Այն կարտոֆիլային է՝ հագեցած բանջարեղենային անչափ համեղ, հագեցնող միջուկով։
Խաշած կարտոֆիլները վերածել պյուրեի և դնել մի կողմ սառչի։ Իսկ մինչ այդ սոխառած պատրաստել, միացնել քերած գազարը, մանրացված սունկը։ Մի քանի րոպե տապակելուց հետո հավելել աղացած միսը, տապակել, այնուհետև ավելացնել սամիթը, համեմել, անջատել կրակը և թողնել սառչի։
Այդ ընթացքում կարտոֆիլը համեմել, միացնել հավկիթը, այուրը, հունցել ինչպես խմորը։ Ստացված զանգվածից առանձնացնել փոքրիկ կտորներ, բացել բլիթների տեսքով, ներսում դնել միջուկ և փակել՝ տալով կարկանդակի տեսք, ապա տապակել բուսայուղում։
