Մեր երկրում և մեր կողքին ապրում են մայրեր, որոնք անվերջանալի կարոտ ունեն իրենց սրտերում։ Այդ անմեղմելի ցավը չփարատվող է և չվերջացող։
Նրանք հերոս են ծնել և այսօր թողել հայրենիքի գրկում փարված։ Նրանք անկոտրում են և նրանց կոտրել հնարավոր չէ։ Եվ դրա վառ ապացույցը նրանց մեկ անգամ ևս մայրանալու մեծ ցանկությունն է, հայրենիքին կենդանի հերոսներ պարգևելու անհագ ձգտումը։
Եվ ահա այդ մայրերից մեկը հերթական բարի լուրն է հղում բոլոր բոլորին։ Ներկայացնում ենք հերոս Արսեն Գրիգորյանի հերոս մայրիկի հերոսական քայլը։
Նելլի Գրիգորյանը մայրացել է։ Լույս աշխարհ է եկել նրա զավակը։ Նա որդի է ունեցել։ Ամուսնու հետ ցանկացել են, որ տանը կրկին հնչեն մայր և հայր բառերը։
Արսենն ընտանիքի միակ զավակն է եղել, չարաբաստիկ պատերազմը խլեց այդ միակին իրենցից։ Վարը ներկայացված տեսանյութում այս մասին առավել մանրամասն իմացեք։
