Կյանքն անկախատեսելի է և թերևս ոչ ոք երբեք էլ չի կարող կանխատեսել, թե կյանքի թելը որ փուլում կկտրվի։ Անասելի ծանր է երիտասարդ մարդկանց կյանքի ընդհատումը։
Բայց ոչ ոք, անգամ մարդու ամենամտերիմ մերձավորը այն կանխատեսել և կանխել ուղղակի ի զորու չէ։ Ժամանակակից աշխարհը որքան էլ թեթևացրել է կյանքի, կենցաղի վարումը, այդքան էլ մահվան ավելի շատ պատճառներ է բերել։
Մեքենաների ստեղծման և շատացմանը զուգահեռ ավելացավ նաև ավտովթարի, դրանց վարման կանոնների չպահպանման հետևանքով մահերը, որ խլում է հիմնականում երիտասարդ կյանքեր։ Օրերս դաժան ավտովթարի հետևանքով մահացավ ևս մեկ երիտասարդ կին որդու հետ միասին, ով ուներ գեղեցիկ ու երջանիկ ընտանիք։
Կնոջ ամուսինը, ով մնաց միայնակ իր հուշերի հետ, սոցհարթակում մի հուզիչ գրառում է կատարել և տեղեկացրել մերձավորներին կնոջը և որդուն վերջին հրաժեշտ տալու վայրի և ժամանակահատվածի մասին։
Նա գրել է․ «Իմ երջանիկ ընտանիքից մնացին միայն հուշեր»։ Ցավակցում ենք ընտանիքին և բոլոր հարազատներին։
