Անիտա Հախվերդյանն ուշագրավ տեսանյութ է հանրայնացրել համացանցային իր հարթակում։ Տեսանյութը արխիվային է։ Նրանք՝ Երգի պետական թատրոնի անձնակազմով, գտնվել են Արցախում։ Համերգը բացօթյա է․ այն կայացել է Ստեփանակերտի մարզադաշտում։
1998 թվականն է։ Համերգը կազմակերպված է մայիսի 9-ի առիթով։ Տեսանյութում կարելի է տեսնել և լսել երիտասարդ Հայկոյին։ Անիտան վարել է այդ համերգը և Հայկոյի երգի հնչյունների ներքո հանդիսատեսներից մեկի հետ, ով զինվորական հագուստով է, պարում է։
Տեսանյութին կից հաղորդավարուհին գրել է․ «1998թ. մայիսի 9-ին Ստեփանակերտի մարզադաշտում Երգի թատրոնի համերգին Հայկոն երգում էր, ես համերգ էի վարում:
Հաղթանակ կար, ուրախություն կար, հույս կար։ Էսօր Արցախի Հանրային Հեռուստատեսության արխիվից հասած տարատեսակ նյութերը տակնուվրա էին ինձ արել»։
Մեկնաբանություններում օգտատերերը վայելել են երանելի ժամանակաշրջանից մի փոքրիկ հատված և ջերմ հիշողություններ ունեցել։ Իսկ տեսանյութն առաջարկում ենք դիտել վարը և վայելել հին ու բարի ժամանակները։
