Տիգրան Խզմալյանը, ով տարիներ շարունակ քաղաքական վերլուծություններով է հանդես եկել, այժմ համարվում է արտախորհրդարանական ուժ և հանդիսանում է կուսակցության նախագահ։
Տիգրան Խզմալյանը համացանցային տիրույթում նույնպես ակտիվ է և մշտապես հանդես է գալիս քաղաքական իր վերլուծություններով, ինչպես նաև երբեմն էլ կոչով ու հորդորներով դիմում է հայրենակիցներին։
Նա երկար տարիներ հայտարարում էր, որ ռուսաստանաբնակ հայերը մի օր վերադառնալու են և այդ ժամանակը մոտ է։ Եվ ահա Եվրոպական կուսակցության նախագահը մի սթափեցնող գրառում է կատարել, որտեղ նշում է, որ տարիների զգուշացումն այսօր արդեն իրականություն է դառնոմ։
Նա հորդորում է բոլորին վերադառնալ Հայաստան և փրկել իրենց երեխաներին, քանզի այլևս չեն կարող փրկել տները, բիզնեսը և այլն։
Տիգրան Խզմալյանը մասնավորապես գրել է․ «ՌԴ հայերի համար եկավ այն օրը, որի մասին զգուշացնում էինք տարիներով։ Չլսեցիք։ Այլևս ո՛չ տները, ո՛չ բիզնեսը չեք փրկի՝ փրկեք գոնե զավակներիդ։ Դեպի Հայաստա՜ն»։
