Դերասանուհի Շուշաննա Թովմասյանը սոցցհարթակում հանրայնացրել է որդու և ամուսնու հետ լուսանկար․ նրանք եկեղեցում են՝ խորանի առջև ։
Լուսանկարում նորաթուխ ծնողները անչափ երջանիկ տեսք ունեն։ Լրացել է նրանց որդու՝ փոքրիկ Միկայի ծննդյան քառասուներորդ օրը։ Այդ առիթով դերասանուհու ընտանիքը հավաքույթ է կազմակերպել և երեխային տարել եկեղեցի։ Հյուրերի մեջ են եղել Թագուհի Օհանյանը որդու հետ, Քրիստինե Պեպելյանը։
Շուշաննան հանրայնացրած լուսանկարին՝ որպես գրառում, կցել է Տերունական աղոթքը։ Մեկնաբանություններում Շուշաննայի հետևորդները հանդես են եկել ամենաջերմ բարեմաղթանքներով։
Հիշեցնենք, որ դերասանուհու որդու հետ ավելի վաղ լուսանկար էր հանրայնացրել Թագուհի Օհանյանը։
Շուշաննան հղիության վերջին շրջանում հարցազրույց էր տվել և գեղեցիկ ֆոտոշարք ներկայացրել հանարությանը։ Հարցազրույցի ընթացքում խոսել է իր սպասումների մասին։
Պատմել, թե ինչպես են ընտրել երեխայի անունը։ Անունը որոշել է դերասանուհու ամուսինը, իսկ ինքը՝ Շուշաննան, հավանել է և դեմ չի եղել։ Նա պատմում է, որ երբ լսեց Միկա անունը, այլևս այլ անունով որդուն չէր պատկերացնում։
