Օդերևութաբանական ոլորտում ամենից հայտնի դեմքերից մեկը՝ Գագիկ Սուրենյանն ունի գեղեցիկ ընտանիք: Նա ոլորտով սկսել է հետաքրքրվել դեռ 4-5-րդ դասարաններում, իսկ դպրոցական ուսումնառությունից հետո առանց վարանելու դիմել է ԵՊՀ-ի համապատասխան բաժինը:
Հենց առաջին կուրսի երկրորդ կիսամյակից էլ սկսել է աշխատել իր մասնագիտության ոլորտում, իսկ հետո հաջորդել է նաև գիտական գործունեությունը:
Գ. Սուրենյանի կինը նույնպես այդ ոլորտից է՝ օդերևութաբան է: Նրանք ծանոթացել են համալսարանում. սովորել են նույն կուրսում: Համալսարանական կրթության վերջին տարում սկսել են ավելի սերտորեն շփվել իրար հետ, որին էլ հաջորդել է ամուսնությունը:
Նրանց գեղեցիկ ընտանիքում երկու չքնաղ դուստր է մեծանում: Հայրը խոստովանում է, որ բավականին խիստ է աղջիկների հետ. կան հստակ գծված կարելիների և չիկարելիների սահմաններ:
Գ. Սուրենյանի մայրը մանկավարժ է, իսկ հայրը՝ շինարար: Գ. Սուրենյանն առանձնահատուկ սիրով ու հպարտությամբ է շեշտում իր մտերմությունը հայ երգի թագուհու՝ Օֆելյա Համբարձումյանի հետ:
