Հացկերույթի սեղանից հաճախ օգտվում են հենց աղցաններից։ Թեթև է, նուրբ, համեղ և օգտակար այս ուտեստները կարծես առավել նախընտրելի են։
Այդ է պատճառը, որ այս անգամ կներկայացնենք հենց աղցանի բաղադրտոմս։ Ներկայացվող պարզ աղցանը կզարդարի յուրաքանչյուր տոնական սեղան։ Այն կհավանեն բոլորը։ Հիմնական բաղադրամասը սունկն է, որը մյուս բաղադրիչների հետ խառնվելով՝ ստեղծում է անչափ համեղ ուտեստ։
Անհրաժեշտ է՝
Մարինացված ամբողջական սունկ — 1 բանկա
Խաշած կարտոֆիլ, կրծքամիս, գազար, թթու վարունգ, կանաչի
Բաղադրիչների չափը ընտում եք դուք՝ կախված մատուցման տարայի չափից։ Եվ այսպես, նախապես խաշված միսը և բանջարեղենն անցկացնել քերիչով։ Վերցնել տարան, որի մեջ պետք է հավաքել այս համեղագույն աղցանը։
Տարայի վրա դրեք սննդային թաղանթ, պատեք բուսայուղով և դասավորեք սունկը, որից հետո շաղ տվեք մանրացված կանաչին, մայոնեզ, ապա կարտոֆիլը, կրկին մայոնեզ, այնուհետև գազար, մայոնեզ, հավի միս, մայոնեզ, թթու վարունգ, մայոնեզ և շրջելով տարան՝ աղցանը տեղափոխեք մատուցվող տարայի մեջ և վերջ, կարող եք վայելել։
