Էլեն Ազնավուրյանն արդեն վաղուց է ինչ էկրաններին չի երևում, սակայն դերասանուհուն հիշում և սիրում են այսօր էլ։ Օգտատերերն անգամ նշում են, որ ուրախ կլինեն դերասանուհու վերադարձով։
Չնայած կարճ ժամանակամիջոցին՝ Էլենին հեռուստադիտողը հասցրել է սիրել և գնահատել նրա մասնագիտական հմտությունները։ Այժմ դերասանուհին ապրում է ընտանեկան խաղաղ կյանքով։
Վերջերս տեղեկացրել էինք մեր ընթերցողին, որ դերասանուհին սպասում է իր առաջնեկին, իսկ այսօր արդեն սիրով հայտնում ենք, որ Էլենի առաջնեկն արդեն լույս աշխարհ է եկել։
Դերասանուհին ամուսնացել է 2021 թվականին։ Նա և ամուսինը՝ Բորիսը, մինչ ամուսնությունն ընկերություն են արել շուրջ երկու տարի։
Էլեն Ազնավուրյանը համացանցային իր հարթակում հետևորդներին հայտնել է, որ որդի է ունեցել։ Նրա հարազատները հանրայնացրել են նորածնի լուսանկարը, սակայն փակ դեմքով։
Շնորհավորում ենք դերասանուհուն մայր դառնալու կապակցությամբ և փոքրիկին առողջ ու խաղաղ մանկություն ցանկանում։
