Պատերազմում ընկած շատ տղաների ընտանիքներ անվերջ տխրությունը սրտներում կարևորագույն որոշում կայացրեցին։ Նրանք կրկին ծնողներ դառնալու որոշումն ընդունեցին և որքան էլ դժվար, սակայն շարժվեցին այդ ուղով դեպի առաջ։
Եվ այսօր շատ ընտանիքներում կրկին մանկան ճիչեր լսվեցին և ինչ-որ չափով սփոփանքի զգացողություն բերեցին․ նոր երեխայի մեջ գտնել կորցրածին։ Եվ ահա այսօր մանկան ճիչով լցվեց շատերի կողմից հայտնի դարձած Մխիթար Գալեյանի ընանիքը։
Լույս աշխարհ է եկել Արցախյան քառասունչորսօրյա պատերազմում զոհված հերոս Մխիթար Գալեյանի եղբայրը։ Փոքրիկին ծնողները անվանել են ի պատիվ հերոս եղբոր՝ Մխիթար։
Բարով ես եկել աշխարհ, փոքրիկ հրաշք: Աստված պահապան լինի Գալեյանների ընտանիքին, իսկ փոքրիկ Մխիթարը ունենա անհոգ ու երջանիկ մանկություն, և ամենակարևորը ապրի խաղաղ երկրում, որը կերտել է իր եղբայրը։
Փոքրիկը այնքան մեծ հպարտություն ունի սրտում պահ տված․ չէ՞ որ ապրելու է եղբոր և նրա ընկերների կողմից կերտած հայրենիքում։
