Այսօր՝ օգոստոսի հինգին, ՀՀ վաստակավոր արտիստ Նունե Եսայանի ծննդյան օրն է։ Երգչուհին այսօր դարձավ 52 տարեկան։ Երևի թե քչերը կիմանան, որ Նունեն պոլիտեխնիկական համալսարանի շրջանավարտ է եղել։
Ուսանողական տարիներին զուգահեռ Նունեն սիրողական երգչախումբ է հաճախել։ Ապա կյանքի մի փուլում որոշել է փոխել մասնագիտությունը, քանի որ երգարվեստն առավել հոգեհարազատ է եղել Նունեին։
Որոշումը կայացնելուց անմիջապես հետո՝ 1988-ին, ապագա երգչուհին ընդունվում է Երևանի ջազային և էստրադային արվեստի պետական քոլեջ։
90-ականներին Նունեն գրեթե երկու տարի երաժշտական գուրծունեություն է ունեցել Սիրիայում։ Ունի տասը ձայնասկավառակ և ավելի քան քսան տեսահոլովակ։ Համերգային շրջագայություններով եղել է բազմաթիվ երկրներում։
Այսօր երգչուհին իր ծննդյան օրվա առիթով համացանցային հարթակում ամուսնու՝ Ավո Խալաթյանի հետ համատեղ լուսանկար է հանրայնացրել և կից գրել․ «Շնորհակալ եմ, Տե՛ր, ամեն ինչի համար»։
Մեկնաբանությունների դաշտում շնորհավորական ջերմ գրառումներով են հանդես եկել ոչ միայն երգչուհու երկրպագուները, այլև կոլեգաները՝ Արամ MP3, Հռիփսիմե Հակոբյան, Արսեն Գրիգորյան և այլք։
