Աշխարհը սրտատրոփ սպասում է այն հայտարարությանը, որ վերջապես կրակը կդադարեցվի և կողմերը կնստեն բանակցությունների սեղանի շուրջ։
Սակայն ինչպես տեսանելի և հասկանալի է՝ բանակցության չեն նստում և ոչ մեկ։ Եթե պատերազմի երկրորդ օրը Զելենսկին պարբերաբար հայտարարում էր, որ երկիրը մենակ է մնացել, փետրվարի քսանվեցի երեկոյան հայտարարեց, որ Ադրբեջանը պատրաստակամ է սատարել ու լինել Ուկրաինայի կողքին։
Նախագահները հեռախոսազրույց են ունեցել և խոսել իրավիճակի վերաբերյալ, փորձել համատեղ լուծումներ գտնել։
Զելենսկին նաև հեռախոսային բանակցություն է ունեցել Թուրքիայի նախագահի հետ։ Երկու երկրների առաջնորդների հետ ունեցած բանակցությունների արդյունքների մասին փետրվարի քսանվեցի երեկոյան հրապարակվել է նախագահի աշխատակազմի ֆեյսբուքյան էջում։
Ալիևը և Էրդողանը խոստացել են աջակցել Պուտինի հետ բանակցությունների վերսկսման հարցում, իսկ Ալիևը՝ նավթի մատակարարման հարցում։ «Ամեն ինչ այդքան էլ հեշտ չէ, բայց հիմա ամեն ինչ կլինի»,- Զելենսկու խոսքով` խոստացել է Ադրբեջանի նախագահը։ Նախագահների հետ զրույցում Զելենսկին կրկին հայտարարել է, որ հնարավոր է իր ձայնը վերջին անգամ են լսում։
