Ամանորն այն տոներից է, որ ասես պահանջում է առատ, լի ու համեղ սեղաններ։ Իսկ հայուհիները ոչ մի ջանք չեն խնայում համեղ և գեղեցիկ սեղան ունենալու համար։
Այս նյութում ցանկանում ենք ներկայացնել մի աղցան, որն իսկապես համեղ է, նորույթ և տոնական սեղանի մի անկյունը հրաշալիորեն կարող է զարդարել։ Աղցանը կոչվում է Եվրոպա։
Եվ այսպես, այս հյութեղ աղցանը ստանալու համար նախապատրաստեք հետևյալ բաղադրամասերը՝
Սունկ — 200
Հավի կրծքամիս — 300 գ
Եգիպտացորեն — 200 գ
Կանաչ ոլոռ — 200 գ
Թթու վարունգ — 150 գ․
Ձիթապտուղ առանց կորիզների — 150 գ
Մայոնեզ — 2 ճ․գ․
Աղ, սև պղպեղ
Եթե արդեն հավաքել եք բոլոր բաղադրամասերը, ապա առանց ժամանակ կորցնելու սկսենք աղցանի պատրաստման գործընթացը։ Նախ մանրացրեք բոլոր մթերքները։
Նշենք, որ ոլոռն ու եգիպտացորենը պետք է վերցնել մարինացված տեսքով։ Իսկ պատրաստման ողջ մանրամասներին առաջարկում ենք ծանոթանալ ստորև կցված տեսանյութում։ Պատրաստման բարի ընթացք և բարի ախորժակ ենք մաղթում։
