Կարմիր ոսպն օժտված է օգտակար հատկություններով և օրգանիզմի համար անհրաժեշտ սնունդ է համարվում։
Առաջարկում ենք մի բաղադրատոմս, որը համեղ և յուրահատուկ ուտեստ է։ Օգտագործված չափաբաժինը նախատեսված է 4-6 հոգու համար։
Անհրաժեշտ է՝
Կարմիր ոսպ — 1 բաժ․(200 գ)
Սառը ջուր — 3 բաժ․
Մանր բլղուր — 1 բաժ․
Բուսայուղ — 5 ճ․գ․
Սոխ — 1 մեծ
Տոմատ — 1 ճ․գ․
Պղպեղի մածուկ — 1 ճ․գ․
Աղ, սև և կարմիր պղպեղներ՝ ըստ ճաշակի
Կես կիտրոնի հյութ
Կանաչ սոխ, սամիթ, համեմ և մաղադանոս՝ ըստ ճաշակի
Ոսպը լվանալ, սառը ջրով եփել մինչ լավ կբացվի: Երբ եփված կլինի, կրակից վերցնել, ավելացնել բլղուրը: Փակ կափարիչը դնել մի կողմ՝ 0,5 ժամով:
Սոխառած անել, լցնել տոմատը, համեմունքները և տապակել 2-3 ր․: Սոխառածը ավելացնել ոսպի վրա, ձեռքով տրորել, մինչհամասեռ զանգված կստացվի, ապա լցնել կանաչին:
Ստանալ ոչ մեծ քյուֆթաներ, ձևը ինքներդ որոշեք ՝ կլոր, կոտլետի նման, կամ հենց ներկայացված ձևով: Մատուցել հազարի տերևներով և կիտրոնով:
