Բերել ենք մի ուտեստի բաղադրատոմս, որն Արևելյան խոհանոցից է։ Այս՝ հայերիս համար անսովոր ուտեստը չափազանց համեղ է և դուր կգա շատերին։ Կարելի է համադրել փլավային տարատեսակ ուտեստների հետ։ Եվ որպես առավելություն նշենք, որ չափազանց արագ է պատրաստվոմ։
Հարմար է, երբ չնախատեսված, չսպասված հյուրեր են գալիս և հարկ է լինում արագորեն գեղեցիկ, համեղ սեղան պատրաստել։ Եվ այսպես, ուտեստը կոչվում է «Իչ» քյուֆթա։
Անհրաժեշտ է՝
Բլղուր՝ մանր տեսակի
Սոխ, սխտոր աղացած
Կծու պղպեղի մածուկ
Տոմատ
Կիտրոնի քամած հյութ
Աղ
Ձիթայուղ
Մաղադանոս։
Բլղուրի վրա ավելացնել եռացրած ջուր և թողնել այնքան ժամանակ, մինչ լավ կփափկի։ Անհրաժեշտ է, որպեսզի բլղուրի փափկությունը սովորականից մի փոքր շատ լինի։
Ապա վրան ավելացնել մնացած բաղադրամասերը, լավ խառնել և ձևավորել։ Կարելի է ճաշակել սալաթի տերևներով կամ լավաշով, լոլիկով և սոխով․ անմահական է։
Բաղադրիչներն ընտրեք ձեզ անհրաժեշտ քանակով։ Այս ուտեստը, հավատացեք, կզարդարի ձեր սեղանը, իսկ համը՝ կգերի շատերին։
