Տիգրան Ուրիխանյանը ԱԺ-ում իր ելույթի ժամանակ անդրադարձ է կատարել Հայաստանում տիրող տխուր իրականությանը։
Ուրիխանյանը խոսելով մարդու իրավունքների մասին՝ ներկայացրել է ցավալի մի դրվագ և նշել, որ 21-րդ դարում Հայաստանում ցրտից և սովից մահանում է տարեց կին, որովհետև սխալ հաշվառում էր կատարվել և ցախ չէր տրամադրվել։
«Ի՞նչ իրավունքների մասին խոսել, երբ որ մարդիկ օրվա հացի և դեղի ճար չեն կարողանում լուծել», — իր խոսքում նշել է Ուրիխանյանը։ Պատգամավորը զարմանք է հայտնում, թե ինչպես կարելի է այս ֆոնին խոսել իրավունքի մասին։ Նա նկատում է՝ մահացող կնոջ ո՞ր իրավունքն էր պաշտպանված, երբ նա ցրտահարվում էր։
Քաղաքական գործիչն ընդգծել է, որ սա բազմաթիվ օրինակներից մեկն է։ Այնուհետև խոսել է համաճարակի մասին և կրկին վերհանել սխալ մոտեցումներ, որոնք կիրառվում են Հայաստանում քաղաքացիների նկատմամբ։
Տիգրան Ուրիխանյանի ելույթն ամբողջությամբ և մանրամասնությամբ կարող եք դիտել ստորև կցված տեսանյութում։